سياسة الاسترداد
ضمان رضا 30 يوم: إذا ما كنتش راضي على InfraLuX® AIR لأي سبب، تنجم ترجعو خلال 30 يوم من تاريخ الاستلام ونرجعولك ثمن المنتج كامل.
الإرجاع مجاني: نتكفّلو بكل مصاريف التوصيل متاع الإرجاع، سواء رجّعت المنتج خاطرك ما عجبكش ولا خاطرو وصلك فيه عيب.
كيفاش ترجّع المنتج:
- ابعثلنا على support@infralux.shop برقم الطلب، اسمك ورقم تليفونك.
- نتصلو بيك ونحدّدو معاك موعد يجي فيه الموزّع ياخو المنتج من عندك.
- رجّع الجهاز مع القطع الكل اللي جات معاه (قطع الأنف والكابل) وإذا تنجم في العلبة الأصلية.
الاسترداد: كيف يوصلنا المنتج ونثبتو فيه، نرجعولك فلوسك في أجل أقصاه 7 أيام بالطريقة اللي نتفقو عليها معاك (تحويل بنكي، حوالة بريدية أو D17).
العروض متاع زوز ولا ثلاثة أجهزة:
- باش ترجعلك الفلوس الكل متاع العرض، لازم ترجّع الأجهزة الكل اللي جاوك، كل جهاز بالقطع متاعو (القطع silicone والكابل).
- كان ترجّع جزء برك، ترجعلك الفلوس على قد الأجهزة اللي رجّعتهم، محسوبة بسوم العرض. مثال: عرض زوز أجهزة بـ 119 د، ترجّع جهاز واحد، ترجعلك 59.500 د.
الضمان مرة وحدة لكل حريف:
- ضمان استرجاع الفلوس ينجم يتستعمل مرة وحدة لكل حريف (نفس رقم التليفون).
- الأجهزة اللي فيها عيب (ما تشعلش، ما تشارجيش، مكسورة) موش معنية بالقاعدة هاذي: نبدّلوهملك ولا نرجّعولك فلوسك ديما.
منتج فيه عيب ولا وصلك مكسور: اتصل بينا في أقرب وقت ونبدّلولك المنتج ولا نرجعولك فلوسك، كيف ما تحب، والمصاريف الكل علينا.